“XORAZM KAFOLAT SAVDO” акциядорлик жамияти “Хоразмматлуботсавдо” очиқ акциядорлик жамияти акциядорларининг 2011 йил 25 июн умумий йиғилиш қарорига асосан унинг ҳуқуқий вориси сифатида қайта ташкил қилинган.
Жамиятнинг асосий мақсади жамият аъзоларининг (акциядорларнинг) иқтисодий ижтимоий талабларини қондириш, савдо, умумий овқатланиш, ишлаб чиқаришни янада ривожлантириш мақсадида замонавий техника воситалари билан таъминлаш, аҳолига транспорт хизмати кўрсатишни ривожлантириш, қишлоқ хўжалигида маҳсулотлар ва хизматларнинг сифатини ошириш, Ўзбекистон Республикаси иктисодий бозорини вужудга келишини жадаллаштириш хўжалик фаолиятида фойда олишдир.
Жамият фаолиятининг мақсади ва асосий вазифалари қуйидагилар;
* Аҳолини халқ истеъмоли товарлари билан таъминлаш, қишлоқ хўжалиги маҳсулотларини тайёрлаш, қайта ишлаш, халқ истеъмоли молларини ишлаб чиқариш ва сотиш тизимини ривожлантириш;
* Қишлоқ савдосини яхшилаш мақсадида тасарруфдаги шўъба корхоналари ва бошқа корхона ташкилотлари фаолиятини мувофиқлаштириш, мулкчилик шаклидан катъий назар уларга шартнома шартларида савдо воситачилик ва маркетинг хизматлари кўрсатиш;
* Қишлоқ хўжалик маҳсулотларини тайёрлаш, деҳқон-фермер хўжаликларидан ўзаро келишув (шартнома) асосида маҳсулотлар қабул қилиб олиш ва уларни қайта ишлаб сотишни ташкил этиш;
* Қишлоқ жойларида савдони ривожлантириш билан бир қаторда тайёрлов ва қайта ишлаш корхоналарининг экспорт имкониятларини кенгайтириш, ташқи савдо алоқаларини ривожлантириш, чет эл мамлакатларида савдо уйлари, филиаллар ва ваколатхоналарни очиш;
* Товарларнинг экспорт имкониятларини кенгайтириш, ташқи савдо алоқаларини ривожлантириш, чет давлатларда савдо уйлари ва ваколатхоналарини очиш;
* Халқ истеъмоли моллари билан чакана ва улгуржи савдо қилиш;
* Маркетинг, лизинг хизматини амалга ошириш, тижорат воситачилик савдоси билан шуғулланиш, аҳолига пуллик хизмати кўрсатиш, транспорт хизмати, мехмонхона, туризм, қурилиш ва реклама фаолияти билан шуғулланиш:
* Умумий овқатланиш хизматини кенг жорий этиш
* Замон талабларига мос ва хос савдо шахобчаларини (жумладан дўкон, рестаран, кафе, бар, чайхона,кичик ишлаб чиқариш цехларини) қуриб ишга тушириш;
* Қишлоқ хўжалик маҳсулотларини етиштириш, чорва молларини (қўй эчки, чўчқа йирик шохли қора моллар, парранда, балиқ, асаларилар) асраш ва боқиб улардан маҳсулот олиш, сотиш ва қайта ишлаш;
* Фермер, дехқон хўжаликлари ва аҳолини минерал ўғит ва биоўғит маҳсулотлари билан улгуржи, чакана савдони ташкил этиш.